იუსტიციის მინისტრი თეა წულუკიანი საგარეო საქმეთა მინისტრის გიორგი კვირიკაშვილის გუშინდელ განცხადებას ეხმიანება, რომლის თანახმადაც, საქართველომ გამოთქვა სრული მზადყოფნა მართლმსაჯულების საკითხებთან დაკავშირებით, ღია კომუნიკაციაში შევიდეთ ევროკავშირსა და ევროსაბჭოსთან, რათა ბოლომდე ამოიწუროს შეკითხვები.
წულუკიანის განცხადებით, გატარებული რეფორმების შედეგად, დღეს სასამართლო დარბაზში ნებისმიერ ადამიანს შეუძლია შესვლა.
„თუკი წინა ხელისუფლების დროს ცხვირს ვერავინ შეყოფდა, თუკი არ იყო სასურველი სტუმარი, ჩვენი რეფორმის წყალობით ყველას შეუძლია არამხოლოდ შევიდეს სასამართლო დარბაზში და სხდომას დაესწროს, არამედ ჩვენ სასამართლო დარბაზში კამერები და მედია შევიყვანეთ. ამიტომ ვერანაირ პრობლემას ვერ ვხედავ. ვისაც უნდა მოვიდეს ან ჩამოვიდეს და სასამართლო პროცესების დამსწრე გახდეს,“ - განაცხადა თეა წულუკიანმა.
