პარლამენტის საფინანსო საბიუჯეტო კომიტეტის თავმჯდომარის თამაზ მეჭიაურის შეფასებით, ,,ქართულმა ოცნებამ” სამართლიანობა იმ ზომით ვერ აღადგინა, როგორც ხალხი მოელოდა. იგი მიიჩნევს, რომ განაწყენებული ხალხი წავა იქ, სადაც შეპირდებიან, რომ სამართლიანობის აღდგენას დააჩქარებენ და არა იმათთან, რომლებმაც ამ მდგომარეობაში ჩააგდეს.
,,სამართლიანობა ვერ აღვადგინეთ შეიძლება იმ ზომით, რასაც ჩვენგან მოელოდა მოსახლეობა. თუნდაც ის ჩამორთმეული და წართმეული ქონებების დაბრუნება, რაც ვერ მოვახდინეთ იმ საქმეთა რაოდენობის გამო, პროკურატურაც შეიძლება იმ ტემპით ვერ აწარმოებს ყველა ამ საქმის გამოძიებას და ეს ყველაფერი შეიძლება წავიდეს იმ ხალხთან, რომლებიც შეპირდებიან, რომ ამას უფრო დააჩქარებენ და არა იმათთან, რომლებმაც ამ მდგომარეობაში ჩააგდეს” - განაცხადა მეჭიაურმა.
