,,ნაციონალური მოძრაობის” წევრი ხათუნა გოგორიშვილი მიიჩნევს, რომ შერჩევითი სამართლის კიდევ ერთი მაგალითია ,,რუსთავი 2”-ის მხარდამჭერების მიმართ აღძრული სისხლის სამართლის საქმე.
პარლამენტში, დიპლომატიურ კორპუსთან საარჩევნო საკითხებზე შეხვედრის დროს, გოგორიშვილმა განაცხადა, რომ დავით ლორთქიფანიძისა და გიორგი ღვინიაშვილის მიმართ ფიზიკურ შეურაცხყოფასთან დაკავშირებული საქმეები ერთნაირია, თუმცა ერთ შემთხვევაში აღძრულია სისხლის სამართლის საქმე, მეორე შემთხვევაში კი პირისთვის მხოლოდ ადმინისტრაციული პასუხისმგებლობა იქნა დაკისრებული.
,,დავით ლორთქიფანიძესაც და გიორგი ღვინიაშვილსაც ერთნაირი საქმეები აქვთ. ეს ორი დეპუტატი ერთმანეთისგან ცხვირის ზომის გარდა სხვა არაფრით განსხვავდებიან", - განაცხადა ხათუნა გოგორიშვილმა.
ქუთაისის საქალაქო სასამართლომ "ნაციონალური მოძრაობის" დაკავებულ აქტივისტებს აღმკვეთი ღონისძიების სახით პატიმრობა მიუსაჯა.
