საქართველოს კულტურისა და ძეგლთა დაცვის სამინისტროს მხარდაჭერით, ილიკო სუხიშვილისა და ნინო რამიშვილის სახელობის სახელმწიფო აკადემიური დასის საიუბილეო საგასტროლო ტურნე გრძელდება.
„სუხიშვილების“ კონცერტები 2 და 4 ოქტომბერს, ნიუ-იორკში, ლინკოლნის ცენტრში გაიმართება. ნაციონალური ბალეტი მაყურებელის წინაშე შერეული პროგრამით წარდგება, რომელიც როგორც თანამედროვე, ასევე ქართულ ტრადიციულ ცეკვებს აერთიანებს.
2015 წელი ილიკო სუხიშვილისა და ნინო რამიშვილის სახელობის სახელმწიფო აკადემიური დასის საიუბილეო თარიღია - დასი 70 წლის იუბილეს საქართველოსა და ქვეყნის ფარგლებს გარეთ, მასშტაბური კონცერტების სერიით აღნიშნავს.
