საქართველოსს შესახებ ევროსაბჭოს მისაღებ დოკუმენტში აღნიშნულია, რომ საქართველოში არის მთავრობა, რომლის მთავარი პრიორიტეტია ოპოზიციის განეიტრალება. ამის შესახებ გადაცემა არჩევანში ნაციონალური მოძრაობის საერთაშორისო მდივანმა გიგა ბოკერიამ განაცხადა.
"დოკუმენტის არსი არის ის, რომ საქართველოში არის მთავრობა, რომლის მთავარი პრიორიტეტი და საქმე არის ოპოზიციის განეიტრალება. ამ დოკუმენტში აღწერილია დეტალურად ყველაფერი”, - განაცხადა ბოკერიამ.
ბოკერიამ აღნიშნა, დოკუმენტში შესაძლოა, ცვლილებები შევიდეს, თუმცა არსი უცვლელი დარჩება, მასში ყურადღება გამახვილებულია ყოფილი ხელისუფლების წარმომადგენლების დაკავებაზეც.
„ეს დოკუმენტი კი არ იქნება რომელიმე პარტიის, ინსტიტუტის დოკუმენტი იქნება. ყველაზე დიდი პრობლემა ის კი არ არის, რომ ამ დოკუმენტში ეს წერია. აქ პრობლემა არის ის, რომ ეს საქართველოში ხდება. იანუკოვიჩის უკრაინის ნაცვლად დოკუმენტში ივანიშვილის საქართველო მოხდა. ეს არის კატასტროფა," - ამბობს გიგა ბოკერია.
ბოკერიამ იმედი გამოთქვა, რომ დოკუმენტი ხელს არ შეუშლის ვიზალიბერალიზაციის პროცესს, თუმცა დასძინა, რომ შესაძლოა, გარკვეული გავლენა პროცესზე მოახდინოს.
