,,ნაციონალური მოძრაობის” ერთ-ერთი ლიდერი გიგა ბოკერია აცხადებს, რომ საქართველოს პრემიერს არ აქვს არც რწმენა, არც ნება და არც კომპეტენცია, რომ სწორად დააყენოს ის საკითხები, რომლებიც ჩვენი ქვეყნის წინაშე დგას.
გაეროს 2015 წლის შემდგომი განვითარების სამიტზე, ირაკლი ღარიბაშვილის სიტყვით გამოსვლის შეფასებისას, ბოკერიამ ჟურნალისტებთან განაცხადა, რომ პრემიერის გამოსვლის ტექსტი არ ასახავდა ჩვენი ქვეყნის ინტერესებს.
,,სამწუხაროდ, კიდევ ერთხელ დადასტურდა, რომ საქართველოს არ ჰყავს პრემიერ-მინისტრი, რომელიც მისი ქვეყნის ეროვნული ინტერსების წარმოჩინებას შეძლებს. რომ არ გვცოდნოდა, რომ გამოდის პრემიერ-მინისტრი ღარიბაშვილი და ისე მოგვესმინა ამ ტექსტისთვის, ვერავინ მიხვდებოდა, რომ ლაპარაკია იმ ქვეყანაზე, სადაც ჩვენ ვცხოვრობთ. სამწუხაროდ, ეს არ უნდა გვიკვირდეს, რადგან ეს ადამიანი არ არის პრემიერი, მას არ აქვს არც რწმენა, არც ნება და არც კომპეტენცია, რომ სწორად დააყენოს ის საკითხები, რომლებიც ჩვენი ქვეყნის წინაშე დგას", - განაცხადა გიგა ბოკერიამ.
