საპარლამენტო უმრავლესობის ლიდერი დავით საგანელიძე აცხადებს, რომ თუკი „საპარტნიორო ფონდი“ კორპორაციად გარდაიქმნება, ან ბანკად, მაშინ შესაძლოა, ის ამ ინსტიტუტის ხელმძღვანელის პოსტს დათანხმდეს.
დეპუტატმა ამის შესახებ ჟურნალისტებთან ,,საპარტნიორო ფინდის” ხელმძღვანელად მის შესაძლო დანიშვნასთან დაკავშირებით განაცხადა.
,,უმუშევარი არ ვარ, რომ სამსახურს ვეძებდე, მაგრამ თუკი საუბარია იმაზე, რომ მე „საპარტნიორო ფონდში“ გადავიდე, მიმაჩნია, რომ ეს სწორი არ იქნება და ეს არ არის ამოცანა, მაგრამ სამი წლს წინ ვსაუბრობდი, რომ უნდა შეიქმნას სახელმწიფო საფინანსო ინსტიტუტი. ეს იქნება კორპორაცია, თუ განვითარების ბანკი, მაშინ ეს იქნება მნიშვნელოვანი საქმე ქვეყნის ეკონომიკისთვის“, - აღნიშნა საგანელიძემ და დასძინა, რომ საკითხზე გადაწყვეტილება მთავრობის მეთაურმა უნდა მიიღოს.
