,,ნაციონალური მოძრაობის” ერთ-ერთი ლიდერი გიგა ბოკერია აცხადებს, რომ უსუფაშვილის და წულუკიანის განცხადებები პირდაპირ წაქეზებაა და მოწოდებაა მოსამართლეების ზეწოლაზე. მისი შეფასებით, ეს არის ქვეყნის საფუძვლების მორყევა.
"პარლამენტის თავმჯდომარის და წულუკიანის განცხადებები პირდაპირ წაქეზება და მოწოდებაა ზეწოლისკენ. ან სრულ უცოდინრობას ან ცრუპენტელობას აქვს ადგილი. მოსამართლეები ეთადერთი ჯგუფია, რომელთა სახლებთან აქციების გამართვა არ შეიძლება, ნივთების სროლა კი არსად არ შეიძლება. ივანიშვილის სახლთან კი მშვიდობიანი აქციის მონაწილეები დააპატიმრეს, იქ იყო მთელი ქალაქის პოლიცია. სახელმწიფო აპარატი ემსახურება ივანიშვილს იმის მაგივრად რომ ხალხს ემსახურებოდეს. ვინც ივანიშვილს არ მოეწონება უქსევენ დაქირავებულ ჯგუფებს და მათ სახელმწიფო არ იცავს. ეს არა მარტო იმიჯის შელახვაა, ეს არის ქვეყნის საფუძვლების მორყევა და ამას რათქმაუნდა საერთაშორისო საზოგადოება ხედავს,"- აღნიშნა გიგა ბოკერიამ.
იუსტიციის მინისტრმა თეა წულუკიანმა განაცხადა, რომ საკონსტიტუციო სასამართლოში გიგი უგულავას საქმესთან დაკავშირებით, უამრავი დარღვევა მოხდა. მინისტრი საკონსტიტუციო სასამართლოს თავმჯდომარეს შეახსენებს, რომ პატივი უნდა სცეს საკუთარი სასამართლოს მოქალაქეებს.
,,სასამართლო გადაწყვეტილების ხელმოწერა ხდება არა საავადმყოფოში, ან ეზოს რომელიმე კუთხეში, არამედ სათათბირო დარბაზში. გიორგი პაპუაშვილს, როგორც სასამართლოს თავმჯდომარეს, ჰქონდა და აქვს ვალდებულება, პატივი სცეს საკუთარი სასამართლოს მოსამართლეებს. მას შევახსენებ, რომ საქართველოში არსებობს საქართველოს საკანონმდებლო მაცნე, რომელშიც მისი გადაწყვეტილება გამოქვეყნებული არ არის და კასკადია პროცედურული დარღვევების ამ საქმეზე საკონსტიტუციო სასამართლოში მომხდარი და არა მხოლოდ. ამიტომ ჩვენთვის ეს არის პრიორიტეტი. რა თქმა უნდა, მოსამართლეები უნდა იყვნენ დაცული, მაგრამ მოქალაქეს აქვს შეკრების და გამოხატვის თავისუფლება” - განაცხადა წულუკიანმა.
საკონსტიტუციო სასამართლოს თავმჯდომის სახლთან საპროტესტო აქციები გრძელდება. გიორგი პაუაშვილმა სამართალდამცავებს მოსამართლეების უსაფრთხოების დაცვისკენ მოუწოდა.
