გიგი უგულავას სასამართლო პროცესზე შესვენება გამოცხადდა. მან ჟურნალისტებთან განაცხადა, რომ პროკურატურამ ყოფილ პრემიერს მზის ჩასვლამდე უნდა ჩააბაროს პატაკი.
„პროკურატურას რეპლიკები არ ჰქონდა. თქვენ გინახავთ პროკურატურა, რომელიც ამ უფლებით არ სარგებლობს? თქვენ ნახეთ, რომ ამის კოლეგა პროკურორი გუშინ რწყილს ატყავებდა. ამიტომ, ეს ერთადერთ რამეს ემსახურება - ჩააბარონ ივანიშვილს მზის ჩასვლამდე პატაკი. მზის ჩასვლამდე, იმიტომ, რომ მერე იძინებს. ამ პატაკის ჩაბარება არის ის, რომ უგულავა დაბინავებულია იქ, სადაც იყო აქამდე“, - განაცხადა გიგი უგულავამ.
შეგახსენებთ, საქალაქო სასამართლოში პროცესი რიყისა და „თბილსერვისჯგუფის“ საქმეზე მიმდინარეობს.
