დედაქალაქის ყოფილი მერი გიგი უგუგალავ მიიჩნევს, რომ თუ სასამართლოზე ზეწოლა არ იქნა, დღეს განაჩენის გამოტანა სამართლებრივად შეუძლებელია. ამის შესახებ მან თბილისის საქალაქო სასამართლოში ჟურნალისტებთან განაცხადა.
,,სამართლებრივად, დღეს განაჩენის გამოტანა შეუძლებელია, თუ არ მოხდა სამართლებრივი ძალადობა. დღეს ამ საქმეზე ადვოკატი დასკვნით სიტყვის ეტაპზეა, ამის შემდეგ რეპლიკების ეტაპია, რეპლიკებს ბრალდება და შემდეგ ჩვენ ვამბობთ, ცალკე ეტაპია ბრალდებულის სიტყვა. შემდეგ მოსამართლემ, როდესაც სამი წელი მიდის საქმე, შეუძლებელია გამოიტანოს მაშინვე განაჩენი, თუ არ მოქმედებს მეჭიაურის ინსტრუქციებით", - აღნიშნა უგულავამ.
შეგახსენებთ, თბილისის საქალაქო სასამართლოში "ტელეიმედისა" და რიყის გასხვისების საქმეზე გიგი უგულავას სასამართლო პროცესი მიმდინარეობს. სასამართლოს ეზოში მისი გულშემატკივრები იმყოფებიან, რომელთაც ყოფილი მერი მოთმინებისკენ მოუწოდებს.
