უფლებადამცველი ლია მუხაშავრია მიიჩნევს, რომ არსებობს შესაძლებლობა დედაქალაქის ყოფილი მერის გიგი უგულვას დაპატიმრების შესახებ. როგორც ,,ჯი-ეიჩ-ენთან” საუბარში მუხაშავრია აცხადებს, საქალაქო სასამართლოს გუშინდელი გადაწვეტილება არ ნიშნავს, რომ უგულავას პატიმრობა აღარ შეეფარდება.
,,თუ კანონიერ ძალაში შევა გიგი უგულავასთან დაკავშირებით გამამტყუნებელი განაჩენი, რა თქმა უნდა, სასამართლოს უფლება ექნება ის აღასრულოს და დედაქალაქის ყოფილ მერს პატიმობა შეუფარდოს. უგულავას წუხანდელი გათავისუფლება არ ნიშნავს იმას, რომ ის ვერასდროს ვეღარ იქნება დაპატიმრებული”, _აცხადებს მუხაშავრია.
რაც შეეხება საქალაქო სასამართლოს გუშინდელ გადაწვეტილებას, მუხაშავრიას თქმით, ის კანონიერია და უნდა აღსრულებულიყო.
,,საქალაქო სასამართლოს გუშინდელი გადაწვეტილება, რა თქმა უნდა, საფუძვლიანი იყო, რადგან ეფუძნებოდა საკონსტიტუციო სასამართლოს გადაწვეტილებას. საქალაქო სასამართლომ გაითვალისწინა საკონსტიტუციო სასამართლოს დასკვნა კონსტიტუციასთან შეუსაბამობის სისხლის სამართლის საპროცესო ნორმის თვალსაზრისით”, _აღნიშნა მუხაშავრიამ.
