საქართველოს საგარეო საქმეთა მინისტრის ყოფილი მოადგილე ნინო კალანდაძე აცხადებს, რომ საქალაქო სასამართლოს გუშინდელი გადაწვეტილებით ქვეყანამ კიდევ ერთი ნაბიჯით წინ წაიწია სრულფასოვანი დემოკრატიის მშენებლობის გზაზე.
,,გუშინდელი გადაწყვეტილება იყო სწორი და ძალიან მნიშვნელოვანი ქართული სახელმწიფოებრიობისთვის. და ეს ყველას თანაბრად უნდა გვიხაროდეს, განურჩევლად პოლიტიკური გუნდების მიმართ განსხვავებული პრეფერენციებისა, ვინაიდან ამით ქვეყანამ კიდევ ერთი ნაბიჯით წინ წაიწია სრულფასოვანი დემოკრატიის მშენებლობის გზაზე. დაუშვებელია კონსტიტუციის უგულვებელყოფა, ისევე როგორც დაუშვებელია პოლიტიკური ანგარიშსწორების მიზნით კანონისა და მართლმსაჯულების ინსტრუმენტების გამოყენება”, _წერს კალანდაძე სოციალურ ქსელში.
შეგახსენებთ, რომ დედაქალაქის ყოფილი მერი გიგი უგულავა პატიმრობიდან გუშინ გათავისუფლდა.
საქალაქო სასამართლოს გადაწყვეტილებას საფუძვლად დაედო საკონსტიტუციო სასამართლოს გადაწყვეტილება, რომლის მიხედვითაც, გიგი უგულავას სარჩელი ნაწილობრივ დაკმაყოფილდა.
