კონსტიტუციონალისტი ლევან ალაფიშვილი აცხადებს, რომ პირის პატიმრობაში ყოფნის, გათავისუფლების აღკვეთის ღონისძიების შეცვლის საკითხს სასამართლო წყვეტს, ხოლო საკონსტიტუციო სასამართლო არის კონსტიტუციის მაკონტროლებელი ორგანო. ამის შესახებ ,,ჯი-ეიჩ-ენთან” საუბარში ალაფიშვილმა განაცხადა.
როგორც ალაფიშვილი განმარტავს, უნდა არსებობდეს სასამართლოს განჩინება აღკვეთის ღონისძიების პატიმრობის შეცვლის, ან გაუქმების თაობაზე რათა პირმა სასჯელაღსრულების დაწესებულება დატოვოს.
,,საკონსტიტუციო სასამართლო არის კონსტიტუციის მაკონტროლებელი ორგანო, ხოლო მართლმსაჯულებას ახორციელებს სასამართლოს სისტემა. პირის პატიმრობაში ყოფნას, სისხლის სამართლის საქმის წარმოებას, ადმისნიტრაციული საქმის წარმოებას მართლმსაჯულების სისტემისაა ახორციელებს შესაბამისად მხოლოდ სასამართლოებს გადაწყვეტილების საფუძველზე აღსრულდება გადაწყვეტილებები იქნება ეს პირის პატიმრობაში ყოფნა,გათავისუფლება აღკვეთის ღონისძიების შეცვლა, თუ სხვა ფორმები.შესაბამისად უნდა არსებობდეს სასამართლოს განჩინება აღმკვეთის ღონისძიების პატიმრობის შეცვლის, ან გაუქმების თაობაზე იმისთვის, რომ პირმა სასჯელაღსრულების დაწესებულება დატოვოს”, _აცხადებს ალაფიშვილი.
მისივე თქმით, მიუხედავად იმისა, რომ საკონსტიტუციო სასამართლოს გადაწყვეტილებას მოსამართლე მერაბ ტურავამ ხელი არ მოაწერა ის მაინც ლეგიტიმურია. ალფიშვილი აცხადებს:
,,საკონსტიტუციო სასამართლოს მიერ გამოცხადებული გადაწვეტილება არის აბსოლუტურად ლეგიტიმური და კანონშესაბამისი. საკონსტიტუციო სამართლოს შესახებ კანონი ამბობს, რომ სასამართლო გადაწვეტილებას პლენუმის სხდომაზე იღებს, შემდგომ იქვე აგრძელებს, რომ გადაწყვეტილებას ხელს აწერენ პლენუმის სხდომაში მონაწილე დამსწრე მოსამართლეები. თუ რომელიმე მოსამართლე პლენუმის სხდომას არ ესწრებოდა მისი ხელმოწერა საკონსტიტუციო სასამართლოს გადაწვეტილებაზე სავალდებულო კი არა საჭიროც არაა. ამასთან ხელმოწერა ფორმალური პროცედურაა და არ ნიშნავს, რომ ერთი მოსამართლის გარეშე სასამართლო გადაწვეტილებას ვერ იღებს. ამ შემთხვევაში გადაწვეტილების მიმღები ქვორუმი, გახლდლდათ დამსწრეთა უმრავლესობა, ანუ 6 მოსამართლე მაინც და როგორც გუშინ გამოცხადა გადაწვეტილებას 8 მოსამართლემ მოაწერა ხელი. Aასე რომ გადაწვეტილება ლეგიტიმურია”, - აღნიშნავს კონსტიტუციონალისტი.
