,,ყოფილი პოლიტპატიმრები ადამიანის უფლებებისთვის” ხელმძღვანელი ნანა კაკაბაძე აცხადებს, რომ ხელისუფლებამ სამი წლის განმავლობაში ვერ მოახერხა ძალაუფლების ხელში აღება და სასამართლო კვლავ ,,ნაციონალების” ინტერესებს ემსახურება. ამის შესახებ, კაკაბაძემ ,,ჯი-ეიჩ-ენთან” საუბარში საკონსტიტუციო სასამართლოს გუშინდელი გადაწვეტილების შეფასებისას აღნიშნა.
მისი თქმით, სასამართლომ სახელმწიფო ინტერესებისთვის სზიანო გადაწვეტილება გამოიტანა.
,,ხელისუფლებამ ვერ მოახერხა ძალაუფლების ხელში აღება და სამწუხაროდ, სასამართლო ,,ნაციონალური მოძრაობის” ხელში რჩება როგორც იარაღი სახელმწიფოებრიობის ნგრევის. შესაბამისად, სასამართლო ღებულობს იმ გადაწვეტილებას რომელიც ,,ნაცმოძრაობას” აწყობს და სახელმწიფო ინტერესებს. დღეს მიდის მანიპულირება კანონის სახელით და კანონის სახელით უკანონობის დაკანონება ხდება. საკონსტიტუციო სასამართლო არ იცავს კონსტიტუციას, არამედ ემსახურება ერთი კონკრეტული პოლიტიკური კლანის ინტერესებს”, _განაცხადა კაკაბაძემ.
უფლებადამცველი ასევე არ იზიარებს პარლამენტის ადამიანის უფლებების დაცვისა და სამოქალაქო ინტეგრაციის კომიტეტის თავმჯდომარის ეკა ბესელიას პოზიციას ,,გიგი უგულავამ იმისთვის, რომ დატოვოს საპატიმრო დაწესებულება, საჭიროა არსებობდეს საერთო სასამართლოების გადაწყვეტილება, რაც დღეს არ არსებობს”.
,, ეს არასწორია, რადგან საკონსტიტუციო სასამართლოს გადაწყვეტილება როდესაც არსებობს ის უნდა აღსრულდეს”, -განმარტა ,,ჯი-ეიჩ-ენთან” საუბარში კაკაბაძემ.
კითხვაზე არსებული ვითარების გათვალისწინებით, როგორ უნდა იმოქმედოს სასჯელაღსრულებისა და პრობაციის სამინისტრომ , კაკაბაძე აცხადებს:
,,გათავისუფლება უნდა შეეხოს არა მხოლოდ გიგი უგულავას, არამედ ყველა პატიმარს. თუმცა, საკონსტიტუციო სასამართლომ აღნიშნული გადაწვეტილება გიგი უგულავას გამო რომ მიიღო, სწორედ ესაა სახელმწიფოს პრობლემა. გადაწვეტილება მიღებულ იქნა არა ადამიანის უფლებების მდგომარეობიდან, კონსტიტუციიდან გამომდინარე, არამედ დანაშაულებრივი პოლიტიკური კლანის ინტერესებიდან გამომდინარე”, _აცხადებს კაკაბაძე.
