გიორგი პაპუაშვილის პოზიცია საკამოდ შეუსაბამოა ნეიტრალობის აუცილებლობასთან. ამის შესახებ გიგი უგულავას საქმეზე საკონსტიტუციო სასამართლოს ირგვლივ შექმნილ სიტუაციის შეფასებისას საპარლამენტო უმრავლესობის წარმომადგენელმა გიორგი ვოლსკიმ განაცხადა.
ვოლსკიმ საკონსტიტუციო სასამართლოს თავმჯდომარე გააკრიტიკა და აღნიშნა, რომ პაპუაშვილი არ არის პროცესში ნეიტრალური.
„ეს არის ჩვეულებრივი პროცესი, რომელშიც პაპუაშვილი როგორც მხარე არ უნდა ერეოდეს. ჩემი აზრით მისი პოზიცია საკამოდ შეუსაბამოა ნეიტრალობის აუცილებლობასთან და მოსამართლის და თავმჯდომარის ღირსების დაცვის საკითხებთან მიმართებაში,“ - განაცხადა გიორგი ვოლსკიმ.
მან ასევე ტურავაზეც ისაუბრა და განაცხადა, რომ ის პასუხისმგებლობას არ დაემალება.
შეგახსენებთ, რომ გიგი უგულავას საქმეზე საკონსტიტუციო სასამართლოს გადაწყვეტილება მოსამართლე მერაბ ტურავას ავადმყოფობის გამო გადაიდო.
