უკრაინის პრეზიდენტმა პეტრო პოროშენკომ მიხეილ სააკაშვილის უკრაინაში პრემიერად დანიშვნის შესახებ გავრცელებულ ვარაუდებზე, პირველი კომენტარი გააკეთა. ბრიტანულ გამოცემა Independent-თან საუბრისას მან განაცხადა, რომ
ოდესის ოლქის გუბერნატორი მიხეილ სააკაშვილი იქნება შესანიშნავი პრემიერ-მინისტრი საქართველოსი.
„რა თქმა უნდა, ის შესანიშნავი პრემიერ-მინისტრი იქნება, საქართველოსი“, - აცხადებს უკრაინის პრეზიდენტი გამოცემასთან საუბრისას.
როგორც Independent-ი წერს, მიხეილ სააკაშვილმა უკრაინაში კორუფციასთან ბრძოლით გაითქვა სახელი. შესაბამისად, ვრცელდება ხმები იმასთან დაკავშირებით, რომ მან შესაძლოა, პრემიერ-მინისტრის პოსტზე არსენი იაცენიუკი ჩაანაცვლოს.
