პარლამენტის ადამიანის უფლებების დაცვის კომიტეტის თავმჯდომარის, ეკა ბესელიას განცხადებით, ადამიანის უფლებების დაცვის კუთხით, ქვეყანაში მდგომარეობა მნიშვნელოვნად გაუმჯობესდა - ამის შესახებ დეპუტატმა პრემიერ-მინისტრის მიერ პარლამენტში წარდგენილი მთავრობის საქმიანობის ანგარიშის შეფასებისას განცხადა.
"თუ ჩვენ შევადარებთ რა დინამიკა გვაქვს, ანუ, როგორი იყო ადამიანის უფლებების დაცვის კუთხით მთავრობის ქმედება 2012 წლამდე და 2012 წლის შემდეგ - ეს ეხება ნებისმიერ სფეროს, გვაქვს ძალიან დიდი პროგრესი. თუ არ ხარ მართლა მტრულად განწყობილი, შეუძლებელია პროგრესი ვერ დაინახო. მე არც კი შევადარები იმას, რაც ხდება ადამიანის უფლებების დაცვის კუთხით ქვეყანაში იმ სტანდარტს, რაც 2012 წლამდე ხდებოდა”, _განაცხადა ჟურნალისტებთან ბესელიამ.
11 სექტემბერს პარლამენტში სამთავრობო პროგრამის მიმდინარეობის შესახებ, მთავრობის ანგარიში შევიდა. დოკუმენტში, რომელიც 90 გვერდს ითვლის, მთავრობის მუშაობა ყველა სფეროში, წარმატებულად არის შეფასებული.
