,,ნაციონალური მოძრაობის” წევრი ზურაბ მელიქიშვილი საქართველოს ეროვნული ვალუტის გაუფასურების ძირითად მიზეზად საქართველოს მთავრობის უნიათობას მიიჩნევს. როგორც საკითხის კომენტირებისას მელიქიშვილი განმარტავს, ხელისუფლებამ ბოლო 3 წლის განმავლობაში ისეთი რეგულაციები მიიღო, რომელიც ქვეყანაში ინვესტიციების შემოსვლას უშლის ხელს.
”ლარის მთავარი პრობლემა საქართველოს დღევანდელი მთვრობაა, მათი არადექვატურობა, უნიათობა. მათ გეგმა საერთოდ არ გააჩნიათ, არ იციან როგორ უნდა დაძლიონ გამოწვევები. შემცირებულია ექსპორტი ხელისუფლება არაფერს არ აკეთებს მის გასაზრდელად. ბოლო 3 წლის განმავლობაში მიიღეს უაზრო რეგულაციები, რომელიც პირდაპირ აჩერებს ინვესტიციებს,”- განაცხადა კურიერთან საუბრისას ზურაბ მელიქიშვილმა.
საქართველოს ეროვნული ვალუტა ამერიკულ დოლართან მიმართებაში გაუფასურებას განაგრძობს.
არსებული მონაცემებით ,კომერციულ ბანკებში დოლარის ღირებულება 2.48-ლარს აღწევს, გადამცვლელ ჯიხურებში კი 2.- ლარი ფიქსირდება.
