პრეზიდენტის მრჩევლის კახა კოჟორიძის განცხადებით, არაკორექტული გამოთქმები და შეურაცხყოფები პრეზიდენტის გადაწყვეტილებაზე გავლენას არ ახდენს.
მისივე განმარტებით, გიორგი მარგველაშვილმა გადაწყვიტა, ხელი მოაწეროს კანონპროექტს - ეროვნული ბანკიდან ზედამხედველობის სამსახურის გამოყოფასთან დაკავშირებით, რითაც ხაზს უსვამს, რომ პარლამენტს, როგორც ინსტიტუტს, პატივს სცემს.
„არაკორექტული გამოთქმები და შეურაცხყოფები არ ახდენს პრეზიდენტის გადაწყვეტილებაზე არანაირ გავლენას - არც პოზიტიურს, არც ნეგატიურს. შესაბამისად, მისი გადაწყვეტილება იქნებოდა ის, რაც არის, მიუხედავად იმისა, რას იტყოდა რომელიმე დეპუტატი” - აღნიშნა კოჟორიძემ,
კანონპროექტზე, რომელიც ეროვნული ბანკიდან ზედამხედველობის სამსახურის გამოყოფას ითვალისწინებს, პარლამენტმა პრეზიდენტის ვეტო დაძლია.კანონპროექტი ხელმოსაწერად კვლავ პრეზიდენტს გადაეგზავნება.