,,ახალი პოლიტიკური ცენტრის” ლიდერი ზურაბ ჯაფარიძე მიიჩნევს, რომ რადიკალურად შესაცვლელია საქართველოს ხელისუფლების მიდგომა საგარეო პოლიტიკის კუთხით. როგორც ჟურნალისტებთან საუბრისას დეპუტატი განმარტავს, გასააქტიურებელია პოლიტიკა როგორც ნატოსთან, ასევე ევროკავშირთან მიმართებით.
"როდესაც საუბარია საგარეო პოლიტიკაზე, რადიკალურად შესაცვლელია საქართველოს ხელისუფლების მიდგომა. ჩვენ გვჭირდება უფრო აქტიური პოლიტიკა, როგორც ნატოსთან ისე ევროკავშირთან მიმართებაში. ამ მხრივ მთავრობას ბოლო 3 წელია არაფერი არ გაუკეთებია და ის რაც ხდება ეს არის ინერცია რაც წინა წლებში კეთდებოდა”, - აცხადებს დეპუტატი ზურაბ ჯაფარიძე.