თბილისწის საკრებულოს ოპოზიციონერი დეპუტატები მერიის მიერ წარმოდგენილ სუბსიდირების სქემას მხარს არ დაუჭერენ. თბილისის საკრებულოს ფრაქცია ,,ნაციონალური მოძრაობა - თბილისის’’ თავმჯდომარემირაკლი აბესაძე დედაქალაქის მერს ურჩევს სუბსიდირებისთვის საჭირო თანხები ადმინისტრაციული ხარჯებიდან გამოყოს.
„ჩვენი მოთხოვნაა, რომ, დაახლოებით, 90 ათას სოციალურად დაუცველ ოჯახს, რომელიც სოციალურ ბაზაშია აღრიცხული, ასევე იმ ოჯახებს, რომელთაც ამის საჭიროება აქვთ, კომუნალური ვაუჩერი იგივე დონზე შეუნარჩუნდეთ, როგორც ეს მანამდე არსებობდა. ხოლო 70 ათას ქულამდე და სხვა სოციალურად დაუცველებისთვის დამატებით მოხდეს ტარიფის სუბსიდირება, ამისთვის საჭირო იქნება დაახლოებით ის 8 მილიონი ლარი, რომელიც ნარმანიამ შარშანდელ ბიუჯეტის ჩამოჭრა, ამიტომ მოვუწოდებთ, მას საკუთარი ადმინისტრაციული ხარჯიდან, რომელიც, დაახლოებით, 90 მილიონ ლარს შეადგენს, ჩინოვნიკების ფუფუნებასა და კეთილდღეობას ხმარდება, თანხები მოაკლოს და სოციალურად დაუცველებს მისცეს საშუალება, ზამთარი შუქით გაატარონ და არა ჩაბნელებულად, უშუქოდ და სიცივეში,“-განაცხადა ირაკლი აბესაძემ.