"მეჭიაურის განცხადებების არაადეკვატურობამ თანამდებობრივი ზრდის პარალელურად იმატა," - ასე შეაფასა ,,რესპუბლიკური პარტიის” წევრმა დავით ბერძენიშვილმა საფინანსო-საბიუჯეტო კომიტეტის ხელმძღვანელის თამაზ მეჭიაურის მიერ, გუშინ პარლამენტის სხდომაზე გაკეთებულ განცხადებას.
მისი თქმით, მეჭიაურის განცხადების სუბიექტი არა მხოლოდ პრეზიდენტი, არამედ ნახევარი პარლამენტი და მთავრობა აღმოჩნდა.
,,ამ განცხადების სუბიექტი ნახევარი პარლამენტი და მთავრობა აღმოჩნდა, რაზეც მას წარმოდგენა არ აქვს. არ მგონია ვინმე ამ განცხადებას სერიოზულად აღიქვამდეს," - აცხადებს დეპუტატი დავით ბერძენიშვილი.
შეგახსენებთ, რომ გუშინ პარალამენტში ეროვნული ბანკის შესახებ კანონპროექტის განხილვისას საფინანსო-საბიუჯეტო კომიტეტის თავმჯდომარემ თამაზ მეჭიაურმა პრეზიდენტის მიმართ განცხადა, რომ "ბიძინა ივანიშვილს დავადანაშაულებ იმაში, რომ მან ერთ "ენჯეო-ელ სოროსელს", რომელსაც საქსოვი ჩხირები ეჭირა, ის ხელიდან გააგდებინა და ვეტოთი აღჭურვა, რომლითაც ნერევებს გვიშლის ჩვენც და მოსახლეობასაც".
