პარლამენტის ევროინტეგრაციის კომიტეტის თავმჯდომარის ლევან ბერძენიშვილის შეფასებით, თამაზ მეჭიაურს ნახევარი ქვეყანა შემოელანძღა, მათ შორის, პარლამენეტის წვერები და თითქმის, მთელი ფრაქცია „რესპუბლიკელები“ .
მისი თქმით, ერთმანეთის ეთიკის შეფასება რთულია, მაგრამ „ენჯეოელობა“ და „სოროსელობა“ შეურაცხმყოფელი არ არის.
,,ასეთი შეფასებები შევარდნაძის დროს, კომუნისტებისგან გვესმოდა და ამ ტერმინებს „ასავალ დასავალიც“ კი ერიდება. როგორც ჩანს, პრეზიდენტის კრიტიკის სურვილმა „ნაბან წყალს ბავშვიც გადააყოლა“. ჩვენს კოლეგას ნახევარი ქვეყანა შემოელანძღა. მათ შორის, პარლამნეტის წვერები და თითქმის, მთელი ფრაქცია - „რესპუბლიკელების“. არ მგონია, რომ მეჭიაური რომელიმე სხვა დეპუტატს რაიმეთი აღემატება, მით უმეტეს, იმ ხალხს ვინც არასამთავრობოდან მოდის. ეს იყო პეზიდენტისთვის გულის ტკენის მიზნით გამიზნული განცხადება და ეს სწორი არ მგონია, რადგან პრეზიდენტის შეურაცხყოფა არ შეიძლება. ქვეყანას ისეთი პრეზიდენტები ჰყავდა, რომელებიც შეიძლება ფრიადოსნები არ იყვნენ, მაგრამ ინსტიტუტის შეურაცხყოფა არ შეიძლება“, - აცხადებს ბერძენიშვილი.
საფინანსო-საბიუჯეტო კომიტეტის თავმჯდომარემ თამაზ მეჭიაურმა გუშინ პარლამენტში განაცხადა, რომ პრეზიდენტი გიორგი მარგველაშვილი ვეტოთი ნერვებს მოსახლეობასა და დეპუტატებს უშლის.
„ბიძინა ივანიშვილს იმაში დავადანაშაულებ, რომ მან ერთ „ენჯეოელ სოროსელს“, რომელსაც საქსოვი ჩხირები ეჭირა, ის ხელიდან გააგდებინა და ვეტოთი აღჭურვა, რომლითაც ნერვებს გვიშლის ჩვენც და მოსახლეობასაც“, - განაცხადა მეჭიაურმა.
