ყოფილი საგარეო საქმეთა მინისტრის თამარ ბერუჩაშვილის განცახდებით, ჯერჯერობით არ გადაწვეტილა თუ სად გააგრძელებს სამომავლოდ საქმიანობას. ამის შესახებ, ბერუჩაშვილმა ,,ჯი-ეიჩ-ენთან” საუბარში განაცხადა.
,,ჯერჯერობით, გადაწყვეტილი არაფერი არ არის, როგორც კი გადაწყდება ვიტყვი”, _აცხადებს ბერუჩაშვილი, რომელიც განხორციელებულ სამთავრობო ცვლილებებს პოზიტიურად აფასებს.
შეგახსენებთ, რომ პრემიერ-მინისტრის გადაწვეტილებით, საგარეო საქმეთა მინისტრის თანამდებობაზე თამარ ბერუჩაშვილი ეკონომიკისა და მდგრადი განვითარების უკვე ყოფილმა მინისტრმა გიორგი კვირიკაშვილმა შეცვალა. ეკონომიკის მინისტრის პოსტს თბილისის უკვე ყოფილი ვიცე-მერი დიმიტრი ქუმსიშვილი იკავებს. რაც შეეხება ბერუჩაშვილს, პრემიერ-მინისტრმა დღეს განაცხადა, რომ მის მომავალ თანამდებობაზე გადაწყვეტილებას საგარეო საქმეთა ახალი მინისტრი მიიღებს.
