ფრაქცია ”ერთიანი ნაციონალური მოძრაობის” წევრის სერგო რატიანი შეფასებით, მომხდარი სამთავრობო ცვლილებები სრულად არაადეკვატურად იქნა მიღებული, რადგან საგარეო მიმართულებით დაინიშნა პირი, რომელმაც ქვეყანა ეკონომიკურ კრიზისში ჩააგდო.
გარდა ამისა სერგო რატიანი ”ჯი-ეიჩ-ენთან” საუბრისას დიმიტრი ქუმსიაშვილის ეკონომიკის მინისტრად დანიშვნასაც შეეხო და გამოთქვა ეჭვი მის კორუფციულ საქმიანობასთან დაკავშირებით.
” სრულიად არაადექვატურია ეს ცვლილება. ეკონომიკის წარუმატებელი მინისტრი, რომელმაც ქვეყანა ეკონომიკურ კრიზისში შეიყვანა, ახლა უხელმძღვანელებს საგარეო უწყებას და ამ მიმართულებით ჩვენთვის და საერთოდ საზოგადოებისთვის არ არის ცნობილი მისი კომპენტენციები. ერთი ტენდენციაც არის მნიშვნრელოვანი, რომ საგარეო მიმართულებით საქმეს ბოლო წლებია ჩამოშორებულნი არიან ბოლო დიპლომატები და მათ ადგილს იკავებს ბიძინა ივანიშვილთან დაახლოებული პირი. ეს საკმაოდ საინტერესო ფაქტია. მეორე მხრივ ეკონომიკის მინისტრად ინიშნება ადამიანი, რომლის უწყებაში, მაღალი ალბათობით, საკმაოდ სერიოზულ სისტემურ კორუფციაზეა საუბარი”, _ აცხადებს სერგო რატიანი.
რაც შეეხება თამარ ბერუჩაშვილს, სერგო რატიანის თქმით, პრემიერ- მინისტრის განცხადებიდან ჩანს, რომ მისი ბედი ირაკლი ღარიბაშვილისთვის საინტერესო არ არის.
