საგარეჯოში მთავარი საზრუნავი იქნება, ქალბატონი თინა ხიდაშელის მიერ მიცემული დაპირებების ბოლომდე მიყვანა, - ამის შესახებ, კოალიცია ,,ქართული ოცნების" მიერ საგარეჯოს მაჟორიტარი დეპუტატობის კანდიდატად დასახელებულმა თამარ ხიდაშელმა განაცხადა.
მისი თქმით, შეთავაზებას საერთო ღირებულებების გამო დასთანხმდა.
"დიდი მადლობას ვუხდი პრემიერ-მინისტრს წარდგენისთვის, ასევე, კოალიცია "ქართულ ოცნებას" და "რესპუბლიკურ პარტიას". მათთან მე მაერთიანებს ღირებულებები და სწორედ ამიტომ დავთანხდმი ამ შემოთავაზებას. გადაწყვეტილების მიღება მარტივი არ იყო, მაგრამ ჩავთვალე, რომ უნდა გამოვსულიყავი კომფორტის ზონიდან და უშუალოდ ხელისუფლების საშუალებით მეცადა გამეკეთებინა ის, რასაც წლების განმავლობაში ვაკეთებდი – ეს არის ადამიანის უფლებების დაცვა. რაც შეეხება საგარეჯოში ჩემს პროგრამას, მთავარი საზრუნავი იქნება, ქალბატონი თინა ხიდაშელის მიერ მიცემული დაპირებების ბოლომდე მიყვანა", - განაცხადა თამარ ხიდაშელმა.
შუალედური არჩევნები საგარეჯოსა და მარტვილში ოქტომბერში გაიმართება. მთავარი ოპოზიციური ძალები ამ არჩევნებს ბოიკოტს უცხადებენ.
