მითი, „ქართული ოცნების“ მმართველობის პირობებში მედიის თავისუფლების შესახებ, ჩვენს თვალწინ იმსხვრევა, - განუცხადა „ჯი-ეიჩ-ენს“ საზოგადოება „ივერიის“ დამფუძნებელმა ნიკოლოზ რურუამ, ტელეკომპანია „იმედის“ მიერ, საზოგადოებრივ-პოლიტიკური თოქშოუების დროებით შეჩერების გადაწყვეტილების კომენტირებისას.
„ბოლო მითი, რომ "ქართული ოცნების" მმართველობის პირობებში ვითომცდა მეტი იყო მედიის თავისუფლება, ჩვენს თვალწინ იმსხვრევა. რუსთავი 2-ის წინააღმდეგ წამოწყებული კამპანია, ახლა „იმედის“ თოქშოუების უცერემონიოდ დახურვა, საზმაუწყებლის ბორდის დაკომპლექტების გარშემო განვითარებული ხელების გრეხვა - ყველაფერი ეს ნიშნავს იმას, რომ ხელისუფლება უკვე ღიად ებრძვის სიტყვის თავისუფლებას, რომ ამით საკუთარი არაკომპეტენტურობა და წარუმატებლობა "დამალოს" ხალხისგან, რაც წარმოუდგენელია - ხალხი გასაჭირს საკუთარ ტყავზე გრძნობს, და ამას არანაირი გადაცემების დახურვა არ უშველის”, - განუცხადა „ჯი-ეიჩ-ენს“ ნიკოლოზ რურუამ.
მისივე თქმით, ხელუსუფლება პანიკურად და ინფანტილურად იქცევა.
„ხელუსუფლება იქცევა პანიკურად და ინფანტილურად, როცა ის ცდილობს დაამტვრიოს სარკე, რომელში დანახული საკუთარი თავი არ მოწონს, იმის მაგივრად, რომ საკუთარი ქმედებები, მუშაობა გააუმჯობესოს”, - განაცხადა რურუამ.
კულტურის ექს-მინიტრი აცხადებს, რომ ამგვარი არადემოკრატიული ნაბიჯები საბოლოოდ გააკოტრებს ხელისუფლებას.
„ამგვარი არადემოკრატიული ნაბიჯები საბოლოოდ გააკოტრებს უკვე ისედაც კარგა მაგრად გაშიშვლებულ ხელისუფლებას, რაც მის უპირობო დამარცხებას აჩქარებს”, - განაცხადა რურუამ.
მან ასვე აღნიშნა, რომ იმედის თოქშოუების გაუგებარი მომიზეზებით დახურვა უკვე ტენდენციაა, "რომლის გარდაუვალ შედეგებსაც ხელისუფლება, მთელი მისი მონდომების მიუხედავად, თვითონ დაიტეხავს საკუთარ თავზე".
შეგახსენებთ, რომ ტელეკომპანია „იმედმა“ მიიღო გადაწყვეტილება საზოგადოებრივ-პოლიტიკური თოქშოუების დროებით შეჩერების შესახებ.
