პარლამენტის ფრაქცია ” ქართული ოცნების” თავმჯდომარე გიორგი ვოლსკი აღნიშნავს, რომ რუსეთის განცხადება უსაფუძვლოა და ნატო-საქართველოს სასწავლო ცენტრის გახსნა, მეზობელი ქვეყნისთვის საფრთხეს არ წარმოადგენს.
მისი განმარტებით, უსაფრთხოებას ზიანს ის ბაზები აყენეს, რომლებიც ოკუპირებულ ტერიტორიაზეა განთავსებული.
” რასაკვირველია ასეთი განცხადებები კეთდება. მსოფლიო არ არის პოლარული, დაპირისპირებები მნიშვნელოვანია. ჩვენ ვთვლით, რომ უსაფრთხოებას სერიოზულ ზიანს აყენებს ის ბაზები, რომელიც ოკუპირებულ ტერიტორიაზეა. ეს ჩვენი პოზიციებია. ყოველთვის ყველაფერ უარესს უნდა ელოდო და უნდა იზრუნო იმისათვის, რომ უკეთესად და ნაკლები დანაკარგებით გამოხვიდე სიტუაციიდან”, _ აცხადებს გიორგი ვოლსკი.
შეგახსენებთ, გუშინ რუსეთის საგარეო საქმეთა სამინისტროს წარმომადგენელმა მარია ზახაროვამ განაცხადა, რომ დასავლეთის ქვეყნებსა და თბილისს შორის კავშირების გაღრმავება რეგიონში უსაფრთხოების მხრივ არსებული ვითარების დაძაბვას გამოიწვევს. რუსული მედიის ინფორმაციით, ლავროვის უწყებაში ნატო-საქართველოს ერთობლივი ცენტრის გახსნას ალიანსის პროვოკაციული პოლიტიკის გაგრძელებას უწოდებენ.