საქართველოში ფარმაცევტულ ბაზრის ერთ-ერთი პრობლემა მედიკამენტების ხარისხის კონტროლის სუსტი სისტემაა. ამის შესახებ "ახალგაზრდა ფინანსისტთა და ეკონომისტთან ასოციაციაში" აცხადებენ, რომელიც ფარმაცევტული ბაზრის კვლევას ახორციელებს.
ასოციაციის მიერ მოპოვებული ინფორმაციის საფუძველზე, 2002 წლის 3 მაისს ფარმაცევტულ ბაზარზე წამლების სერიული კონტროლის მიზნით, ჯანდაცვის სამინისტრომ მიიღო გადაწყვეტილება, რომლის თანახმადაც ქვეყანაში სავალდებულო სერიულ კონტროლს დაექვემდებარა სუბსტანციები; ნარკოტიკული და სანარკოზე საშუალებები; ვაქცინები და შრატები; სისხლის პრეპარატები, სისხლის შემცვლელები და ხსნარები კონსერვაციისთვის; ანტიბიოტიკები; საინფუზიო გადასასხმელი ხსნარები; საინექციო სამკურნალო საშუალებები; თვალის წვეთები; პედიატრიული წამლები. ამ გადაწყვეტილების მიღებიდან ერთ თვეში კი, მასში ცვილებები შევიდა, რომლის თანახმადაც ანტიბიოტიკები; საინფუზიო გადასასხმელი ხსნარები; საინექციო სამკურნალო საშუალებები; თვალის წვეთები; პედიატრიული წამლების სერიული წარმოება კონტროლს აღარ ექვემდებარება.
ამასთან, ფართო მოხმარების წამლებზე სერიული კონტროლის გაუქმების მიუხედავად საქართველოში კანონით სავალდებულოა წამლების შერჩევითი კონტროლი. კონტროლს 2008 წლის 8 იანვრამდე წამლის სააგენტო~ახორციელებდა, მისი გაუქმების შემდგომ კი, ეს ფუნქცია დღეისთვის საქართველოში ფარმაცევტულ ბაზარზე პასუხისმგებელ ერთადერთ ორგანოს, სამედიცინო საქმიანობის რეგულირების სახელმწიფო სააგენტოს ევალება.
2005 წელს წამლის სააგენტომ სამკურნალო საშუალებების ხარისხის კონტროლის მიზნით 464 მედიკამენტი შეისწავლა, საიდანაც არარეგისტრირებული და გაურკვეველი წარმოშობის 149 დასახელების მედიკამენტი აღმოჩდა, ხოლო წუნდებული და ფალსიფიცირებული - 26 დასახელების. აქედან გამომდინარე, შესწავლილი მედიკამენტების 38 პროცენტი სტანდარტებს ვერ აკმაყოფილებდა.
2007-08 წლებში წამლის სააგენტომ ტენდერში გამარჯვების შემდეგ კონტრაქტი ფარმაცევტულ ლაბორატორია `ჯეოლაბს~-თან გააფორმა. ლაბორატორიამ 2007 წელს 236 მედიკამენტი გამოიკვლია, საიდანაც 39 დასახელების მედიკამენტი უვარგისი აღმოჩნდა. ამასთან, `ჯეოლაბმა" 97 სარეგისტრაციო ნიმუში შეამოწა, საიდანაც 12-ის ანალიზის მეთოდები უვარგისი იყო, 43 კი - ე.წ. რისკის ჯგუფს მიეკუთვნებოდა.
2008 წელს „ჯეოლაბმა" 47 სარეგისტრაციო ნიმუში და 39 მედიკამენტი გამოიკვლია. აღმოჩნდა, რომ 39 მედიკამენტიდან უვარგისი არცერთი არ იყო, 47 სარეგისტრაციო ნიმუშიდან 3 უვარგისი, ხოლო 7-ის ვარგისიანობა არ დასტურდებოდა.
2009 წლის და 2010 წლის განვლილი პერიოდის მონაცემები ჯერ-ჯერობით ხელმიუწვდომელია.
ასოციაცია მიიჩნევს, რომ იმ პირობებში, როცა სააგენტო მხოლოდ ერთი ლაბორატორიის მონაცემებს ეყრდნობა და არ არსებობს შედარებითი ანალიზის საშუალება, ბაზარზე მიმოქცევადი 6 000 ზე მეტი დასახელების მედიკამენტიდან `რისკის ჯგუფში~ მათი 1 პროზენტზე ნაკლების მოხვედრა, ბაზარზე არსებულ რეალურ სურათს ვერ წარმოაჩენს.
~სავარაუდოდ, ეს აიხსნება ლაბორატორიული შემოწმებებისათვის საჭირო დანახარჯების სიძვირით, რისი რესურსიც, როგორც ჩანს, სააგენტოს არ გააჩნია~, - აღნიშნულია პირველად კვევის შედეგში, რომელსაც ასოციაცია ახორვიოელებს.
ამდენად, ასოციაციაში მიიჩნევენ, რომ სახელმწიფო ბაზარზე ხარისხის სრულფასოვან კონტროლს ვერ ახერხებს და მომხმარებელი პრაქტიკულად დაუცველი რჩება.
