საპარლამენტო უმრავლესობის წევრი ვახტანგ ხმალაძე მიიჩნევს, რომ ნატო-საქართველოს ერთობლივი საწრთვნელი ცენტრის გახსნას რუსეთის მხრიდან განცხადებები მოჰყვება, სადაც მათ უსაფრთხოებაზე იქნება საუბარი. დეპუტატი ასევე არ გამორიცხავს რუსეთის მხრიდან მკვეთრ რეაგირებასაც.
”რუსეთისგან საერთოდ ყველაფერია მოსალოდნელი. ნატოსთან დაკავშირებულ ყველა საკითხზე ავადმყოფურად რეაგირებს. ამაზეც იქნება რეაქცია. მინიმუმ ალბათ მოყვება განცხადებები, როგორც ადრე იყო, რომ ამით მის უსაფრთხოებას ექმნება საფრთხე. ცხადია ეს კავშირში არ არის. რაც შეეხება სანქციებს, ვერ გეტყვით, რუსეთის მხრიდან არაფერია გამორიცხული. არამგონია, რომ რაიმე მკვეთრი ნაბიჯები იქნეს გადადმული, თუმცა გამორიცხული არაფერია”, _ აცხადებს ”ჯი-ეიჩ-ენთან” ვახტანგ ხმალაძე.
შეგახსენებთ, ნატო-საქართველოს ერთობლივი წვრთნისა და შეფასების ცენტრის შექმნა ნატო-ს უელსის სამიტზე გადაწყდა. 27 აგვისტოს, ცენტრის ინაუგურაციას კრწანისის სასწავლო ცენტრის ტერიტორიაზე, ნატოს გენერალური მდივანი იენს სტოლტენბერგი დაესწრება.
