სამტრედიის რაიონის სოფელ ბაშში მომხდარ ავტოსაგზაო შემთხვევას 4 ადამიანის სიცოცხლე ემსხვერპლა. ტელეკომპანია "რუსთავი-2"-ის ინფორმაციით, გარდაცვლილთა შორის ერთი მცირეწლოვანი ბავშვია.
ავტოსაგზაო შემთხვევისას ერთმანეთს ურთიერთსაპირისპირო მიმართულებით მოძრავი ოპელის მარკის ავტომობილები შეეჯახნენ. ავარიის შედეგად გარდაცვლილების გარდა დაშავდა 5 ადამიანი, რომელთაგან ერთი ბავშვია. დაშავებულები ქუთაისის სხვადასხვა კლინიკებში არიან გადაყვანილები. გარდაცვლილებს და დაშავებულებს შორის არიან როგორც სომხეთის, ისე საქართველოს მოქალაქეები.
შემთხვევის ადგილზე ამ დრომდე რჩებიან საპატრულო პოლიციისა და სამაშველო სამსახურის წარმომადგენლები. მომხდარზე მიმდინარეობს გამოძიება.
მასალის გამოყენების პირობები
