”თავისუფალი დემოკრატების” ერთ-ერთი ლიდერის ირაკლი ჩიქოვანის განცხადებით, 2015 წლის შუალედურ არჩევნებში მონაწილეობას არც მისი პარტია მიიღებს. იგი ხელისუფლებისგან ერთ- ერთი მთავარი დაპირების - ქვეყანაში საარჩევნო რეფორმის გატარებას ითხოვს.
,,ამასთან დაკავშირებით, ჩვენ დიდი ხნის წინ განვაცხადეთ, ხოლო რაც შეეხება იმ პოზიციას, რა პოზიციასაც აფიქსირებენ არასაპარლამენტო ოპოზიციის წარმომადგენლები, ეს ჩვენთვის მისაღებია. ყველა უნდა გაერთიანდეს იმ იდეის ირგვლივ და დაინახოს, რომ ეს ხელისუფლება არ არის მზად შეასრულოს მისი ერთ- ერთი მთავარი დაპირება და ქვეყანაში გაატაროს მნიშვნელოვანი საარჩევნო რეფორმა”, - აცხადებს ირაკლი ჩიქოვანი.
საქართველოს ოპოზიციური პარტიები, შემოდგომაზე გასამართ შუალედურ არჩევნებს ბოიკოტს უცხადებენ. დღეს გამოქვეყნებულ ერთობლივ განცხადებას 11 არასაპარლამენტო ოპოზიციური პარტია აწერს ხელს.
