კონსტიტუციონალისტის ვახუშტი მენაბდის განმარტებით, კონსტიტუციის მიხედვით, გაეროს გენერალურ ასამბლეაზე სიტყვით გამოსვლის უპირატესობა, პრეზიდენტს ენიჭება.
მისი შეფასებით, საქართველოს პრეზიდენტი წარმოადგენს ქვეყანას საერთაშორისო ურთიერთობებში. ამავე დროს ის არის სახელმწიფოს მეთაური. კონსტიტუციონალისტი განმარტავს, რომ ამ ორი მუხლის კომბინაციის შედეგად შეიძლება ითქვას, რომ კონსტიტუცია პრეროგატივას პრეზიდენტს ანიჭებს.
”მთავარი ქვეყნის შიგნით შედგეს ამაზე შეთანხმება და ის დავა, რომელიც მეორე წელია გრძელდება. ამაზე გაუთავებელი საუბარი პრინციპში სერიოზულიც აღარ არის.თუ შეთანხმებას ვერ ახერხებენ, მაშინ კონსტიტუციური მექანიზმები უნდა აამოქმედონ. ჩემი აზრით კონსტიტუცია პრიორიტეტს ანიჭებს პრეზიდენტს”, _ აცხადებს ვახუშტი მენამდე.
