ცესკო-მ მედიამონიტორინგისთვის სამი ქართული (PRIME TIME, BCG და IPM) და ერთი უცხოური - უკრაინული კომპანია (Pro.mova) დაიქირავა.

აღნიშნული მედიამონიტორინგის ჯგუფის პრეზენტაცია ცესკო-ში დღეს გაიმართა.

როგორც ჟურნალისტებს ცესკო-ს პრესსპიკერმა ჯული გიორგაძემ განუცხადა, ქართული კომპანიები რაოდენობრივ და საბაზისო თვისობრივ მონიტორინგზე იმუშავებენ, უკრაინული კომპანია კი მეთოდოლოგიის გამჭვირვალედ და ზუსტად წარმართვას უზრუნველყოფს და პროცესის შემდგომი განვითარებისთვის რეკომენდაციებს შეიმუშავებს.

"კვლევაში გათვალისწინებული იქნება ყველა ცენტრალური და რეიტინგული ქართული სატელევიზიო არხის (~რუსთავი 2~, ~იმედი~, ~კავკასია~, ~მაესტრო~, ~პირველი არხი~, ~მეორე არხი~, ~აჭარა~) საინფორმაციო გამოშვებები, თოქ-შოუები, ფასიანი და უფასო პოლიტიკური რეკლამები", - განაცხადა გიორგაძემ.

მისივე განმარტებით, კომპანიები მონიტორინგის შუალედურ ანგარიშს 11 მაისს წარმოადგენენ, ხოლო დასკვნითი ანგარიში არჩევნების შემდეგ მომზადდება.