რუსულმა ფრეგატმა დანიის საჰაერო ძალების კუთვნილი ვერტმფრენის მიმართულებით ორი ე.წ. სასიგნალო რაკეტა გაუშვა. ინფორმაციას დანიის თავდაცვის სამინისტრო ავრცელებს.
შემთხვევა მაშინ მოხდა, როდესაც დანიური ვერტმფრენი საერთაშორისო წყლებში მყოფ რუსულ ფრეგატს გეგმური ფოტოგადაღების ფარგლებში იღებდა. ინციდენტი დანიის სამხრეთ-აღმოსავლეთით, გედსერის რაიონში, ბალტიის ზღვაში მოხდა.
დანიის თავდაცვის უწყების ინფორმაციით, ერთ-ერთმა სასიგნალო რაკეტამ ვერტმფრენს მცირე მანძილზე ჩაუფრინა. ინციდენტის შედეგად ვერტმფრენში მყოფი არცერთი პირი არ დაშავებულა.
დანიის თავდაცვის მინისტრმა მომხდარს „სერიოზული“ ინციდენტი უწოდა.
ინციდენტთან დაკავშირებით დანიაში რუსეთის ელჩი საგარეო საქმეთა სამინისტროში დაიბარეს და მომხდართან დაკავშირებით განმარტებები მოსთხოვეს.
