ნაფიცმა მსაჯულებმა საქართველოს ყოფილი პრემიერ-მინისტრის ზურაბ ჟვანიას გარდაცვალების საქმეზე ბრალდებულების კობა ხარშილაძისა და მიხეილ ძაძამიას 10 ხმით 2-ის წინააღმდეგ გამამტყუნებელი ვერდიქტი გამოუტანეს.
ნაფიცმა მსაჯულებმა ვერდიქტი მეორე ეტაპზე ანუ 6-საათიანი დროის დამატების შემდეგ მალევე გამოიტანეს. ვერდიქტისთვის საჭირო იყო ხმათა უმრავლესობა. კერძოდ, 8 ხმა 4-ის წინააღმდეგ.
პირველ ეტაპზე, რომელიც 3-საათიან ვადას მოიცავდა, ნაფიცმა მსაჯულებმა გადაწყვეტილება ერთხმად ვერ მიიღეს, შესაბამისად დამატებითი შემდეგი დროის განსაზღვრა გახდა საჭირო.
ნაფიცმა მსაჯულებმა ასევე უნდა გადაწყვიტონ, შეუმსუბუქდებათ თუ დაუმძიმდებათ სასჯელი ჟვანიას საქმეზე ბრალდებულ კობა ხარშილაძესა და მიხეილ ძაძამიას.
ნაფიცი მსაჯულების რეკომენდაციის შედეგი 21.00 საათზე გახდება ცნობილი, რის შემდეგაც მოსამართლე სასჯელს განსაზღვრავს.
