ნაფიცი მსაჯულები ჟვანიას საქმეზე ვერდიქტის გამოსატანად გავიდნენ. მათ ვრცელი განმარტება მოისმინეს მოსამართლისგან არსებული წესების შესახებ. ნაფიცი მსაჯულების თათბირი დახურულია.
პირველ ეტაპზე მსაჯულებს 3 საათიანი ვადა აქვთ განსაზღვრული, რომლის დროსაც გადაწყვეტილებას ძალა ექნება, თუ ის ერთხმად იქნება მიღებული.
იმ შემთხვევაში, თუ ნაფიცი მსაჯულები განსაზღვრულ 3 საათში ერთხმად გადაწყვეტილებას ვერ მიიღებენ, მაშინ მათ მოსამართლე დამატებით 6 საათს მისცემს, რომლის დროსაც 8 ხმა 4-ის წინააღმდეგ - ასეთი განაწილება საკმარისი იქნება გადაწყვეტილების მისაღებად. თუ გადაწვეყილება კვლავ არ იქნება მიღებული, მსაჯულებს კიდევ 3 საათი მოუწევთ მსჯელობა. სრული თორმეტი საათის ამოწურვის შემდეგ მათ გადაწყვეტილება უნდა გამოაცხადონ.
სასამართლოს სხდომის დასრულების შემდეგ ბრალდების მხარის განცხადებით მათ დასაბუთებულად წარმოადგინეს მიხეილ ძაძამიასა და კობა ხარშილაძის ბრალეულობა, სამსახურეობრივი გულგრილობის ფაქტი, რამაც პრემიერის გარდაცვალება გამოიწვია.
