შინაგან საქმეთა მინისტრის გიორგი მღებრიშვილის განცხადებით, რუსთავი2-თან დაკავშირებით გადაწყვეტილებას, ობიექტური სასამართლო მიიღებს.
„ერთი რამ შემიძლია დაზუსტებით გითხრათ, რომ დღესდღეობით საქართველოში აბსოლუტურად თავისუფალი, ობიექტური სასამართლო არსებობს, რომელიც ობიექტურ გადაწყვეტილებას ყოველგვარი ზეწოლის გარეშე მიიღებს. შემფასებელი კი ამ შემთხვევაში მოსამართლე იქნება“, - განაცხადა მინისტრმა ჟურნალისტებთან.
ბიზნესმენ ქიბარ ხალვაშის სარჩელის საფუძველზე, „რუსთავი 2“-ის კუთვნილ ავტომობილებს აღსრულების ეროვნულმა ბიურომ ყადაღა დაადო. ბიზნესმენმა ქიბარ ხალვაშმა ტელეკომპანია „რუსთავი 2“-ის ნომინალური მეპატრონეების წინააღმდეგ სასამართლოში სარჩელი შეიტანა და სარჩელის უზრუნველყოფის მიზნით, ტელეკომპანიის პარტნიორთა წილების დაყადაღება მოითხოვა.
