ოქსანა კალაშნიკოვამ ერთულებში რეიტინგში 540-ე პოზიციაზე მდგარ პიია სუომალაინენთან - 4:6, 2:6 წააგო, შემდეგ კი წყვილებშიც, ანა ტატიშვილთან დუეტში ემა ლაინესა და იმავე სუომალაინენის ტანდემთან 5:7, 2:6 დამარცხდა.

ქართველ ჩოგბურთელთა ერთადერთი გამარჯვება მსოფლიოს 155-ე ჩოგანს ანა ტატიშვილს ეკუთვნის, რომელმაც 425-ე საფეხურზე მყოფ ლაინეს ორ სეტში 6:4, 6:3 მოუგო.

ქართველ ჩოგბურთელებს ჯგუფიდან ნახევარფინალში გასასვლელად ორივე დარჩენილ შეხვედრაში გამარჯვება სჭირდებათ.

30 აპრილს საქართველო-ნორვეგიის მატჩია, სავარაუდოდ, ზერეკიძე ერთეულთა მატჩებში ისევ ანა ტატიშვილსა და ოქსანა კალაშნიკოვას დაეყრდნობა, წყვილებში კი უკვე სოფო შაფათავა (რეიტინგში 337-ე) და მანანა შაფაქიძე (418-ე) ითამაშებენ. რაც შეეხება სომხეთთან შეხვედრას, აქ შაფათავას, შესაძლოა ერთეულთა მატჩიც დაუთმონ.

ტურნირის ფორმატის მიხედვით, ნახევარფინალში და ჯგუფის ორ-ორი მოწინავე გადის, რომლებიც 1-ელ მაისს ერთმანეთს ჯვარედინი სისტემით დაუპირისპირდებიან. ფინალში გასული ორი გუნდი ავტომატურად ევროაფრიკული ზონის პირველი ჯგუფის საგზურებს მოიპოვებს.