საპარლამენტო უმრავლესობის წევრის მანანა კობახიძის თქმით, ,,ეროვნული ბანკის შესახებ” კანონპროექტზე ვეტოს დადებით პრეზიდენტისა და ,,ნაციონალური მოძრაობის ინტერესების” გადაკვეთა მოხდა. როგორც კობახიძემ ჟურნალისტებთან აღნიშნა, სამწუხაროდ ხშირად, პრეზიდენტისა და ,,ნაცმოძრაობის” პოზიციები ერთმანეთს ემთხვევა.
"მხარი უნდა დავუჭიროთ იმ კანონს, რომელიც პარლამენტმა უკვე მიიღო, ჩვენ გვაქვს იმის რესურსი, რომ ვეტო დავძლიოთ. მიგვაჩნია, რომ ეს არის გარკვეული პოლიტიკური ძალის, ამ შემთხვევაში, ,,ნაციონალური მოძრაობის” დღის წესრიგი. ისინი ცდილობდნენ გარკვეული ალტერნატივების შემოტანას და როგორ ჩანს, ეს ყველაფერი აისახა პრეზიდენტის ვეტოსა და შენიშვნებში. ვწუხვარ, რომ ხშირად ,,ნაციონალური მოძრაობისა” და პრეზიდენტის პოზიციების ასეთი თანხვედრაა," - განაცხადა მანანა კობახიძემ.
პრეზიდენტმა გიორგი მარგველაშვილმა ,, ეროვნული ბანკის შესახებ” კანონპროექტს ვეტო დაადო.
საპარლამენტო უმრავლესობა ვეტოს დაძლევას პარლამენტის საშემოდგომო სესიაზე შეეცდება.
