კოალიცია ,,ქართული ოცნების” წევრის ლევან ბერძენიშვილის შეფასებით, პრეზიდენტიც და პარლამენტიც სწორად მოქმედებენ.
პრეზიდენტის მიერ სებ-ის შესახებ კანონპროექტზე ვეტოს დადებასთან დაკავშირებით, ბერძენიშვილმა ,,ჯი-ეიჩ-ენთან” საუბარში განაცხადა, რომ მან კონსტიტუციური უფლება გამოიყენა.
,,პრეზიდენტს სრული უფლება აქვს ვეტო დაადოს ნებისმიერ კანონპროექტს, პარლამენტს კი უფლება აქვს პრეზიდენტის შენიშვნები განიხილოს, გაითვალისწინოს, ან დაძლიოს ვეტო. ყველას აქვს თავისი უფლება და ყველა მოქმედებს სწორად”, _განაცხადა ბერძენიშვილმა.
კითხვაზე ეთანხმება თუ არა პრეზიდენტის გადაწვეტილებას, ბერძენიშვილი განმარტავს:
,,ჩვენი საქმე კანონების მიღებაა, პრეზიდენტის საქმეა დაადებს თუ არა ვეტოს, მე რატომ უნდა მკითხოს, ეს მისი კონსტიტუციური უფლებაა”, _განაცხადა ბერძენიშვილმა.
მისივე თქმით, პარლამენტი ,,ეროვნული ბანკის შესახებ” კანონპროექტთან დაკავშირებით პრეზიდენტის შენიშვნებზე საშემოდგომო სესიაზე იმსჯელებს.
,,საკითხის განხილვა სექტემბერში მოხდება, დაიწყებს თუ არა პარლამენტი მუშაობას. Aარაფერი არ აიძულებს პარლამენტს ახლა შეიკრიბოს, თუ იქნება ამის საჭიროება შეიკრიბება”, _განაცხადა ,,ჯი-ეიჩ-ენთან” საუბარში ბერძენიშვილმა.
