"30 მაისის არჩევნებზე ხელისუფლებამ ხმების 10 პროცენტზე მეტი ვერ უნდა მიიღოს", - ამის შესახებ "ეროვნული საბჭოს" ლიდერი ზურაბ ნოღაიდელი აცხადებს.
"ჩვენ კიდევ შევეგუებით იმას, რომ სხვადასხვა მანიპულაციების გზით, მისი რაოდენობა 25-30 პროცენტამდე გაიზარდოს, მაგრამ მეტს ნამდვილად ვერ შევეგუებით", - განმარტავს ის.
ამასთან, ქვეყნის მთავრობის ყოფილი ხელმძღვანელის აზრით, თავისუფალ გარემოში ჩატარებული არჩევნების შემთხვევაში, "სააკაშვილისმაგვარ მუხლებზე მფორთხავ პრეზიდენტს ერთი კაციც კი არ მისცემდა ხმას".
"ნურავინ მომიყვება ზღაპარს, რომ ქართველებს, თურმე, მოსწონთ და უყვართ მფორთხავი პრეზიდენტი; რომ ქართველებს მოსწონთ და უყვართ ლაჩარი მერაბიშვილი და უგულავა. ესენი ყველანი ისინი აგვისტოს ომის მემომქმედნი არიან. შეიძლება ვიღაცეებს ამ ნაძირლების და ლაჩრების დროებით ეშინიათ, მაგრამ ისინი არავის მოსწონს და უყვარს. ქართველებს ნურავინ მიაყენებს შეურაცხყოფას იმის თქმით, რომ სააკაშვილისნაირი ლაჩარი ადამიანი პრეზიდენტად უნდათ", - განმარტავს მოძრაობა "სამართლიანი საქართველოსთვის" ლიდერი.
