შრომის, ჯანმრთელობისა და სოციალური დაცვის მინისტრის დავით სერგეენკოს განცხადებით, მარტოხელა პენსიონერების ორი თვის განმავლობაში სოციალური დახმარების გარეშე დარჩენა შეცდომა იყო, - ამის შესახებ დავით სერგეენკომ ჟურნალისტებს მთავრობის სხდომის შემდეგ განუცხადა, როდესაც სოციალურად დაუცველთა აღრიცხვის მეთოდოლოგიაში მიმდინარე ცვლილებებზე ისაუბრა.
,, იყო შეცდომა, რომ მარტოხელა პენსიონერები ამ ორი თვის განმავლობაში აღმოჩნდნენ მოწყვლად ჯგუფში, თუმცა საბედნიეროდ დროული რეაგირება გავაკეთეთ, ეს გამოსწორდება და გაცდენილი თანხები აუნაზღაურდებათ", - განაცხადა სერგეენკომ.
მისივე თქმით, ბოლო ორი თვის განმავლობაში სოციალური დახმარება 3700 პენსიონერს მოეხსნა, თუმცა მთავრობის გადაწყვეტილებით, მათ ეს ორთვიანი გაცდენა აუნაზღაურდებათ.
