ევროკავშირის საბჭოს მიერ 19 ივნისს გახანგრძლივებულ სანქციებზე საქართველო თავიდანვე შეერთებული იყო., - ამის შესახებ ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა რუსეთის წინააღმდეგ შემოღებულ სანქციებთან დაკავშირებით განაცხადა. დავით ბაქრაძის განმარტებით,
ახლა მოხდა მხოლოდ ამ სანქციის გაგრძელება ერთი თვის ვადით.
მისივე თქმით, აქ ბევრი ტექნიკური და ეკონომიკური საკითხია გათვალისწინებული და ერთ-ერთი უკავშირდება ყირიმში წარმოებულ პროდუქციას.
რაც შეეხება ,,იტარტასის” მიერ გავრცელებულ ინფორმაციას, რომ საქართველო არ უერთდება მხოლოდ ეკონომიკურ სანქციებს, ბაქრაძე აცხადებს, რომ "იტარტასის" ინფორმაციაზე კომენტარს ვერ გააკეთებს.
"მინსკის პირველი და მეორე მოლაპარაკებების დროს, ძალიან ბევრი სხვადასხვა სანქცია და ზომა იქნა მიღებული, რომელთა ნაწილზე ჩვენ ჩვენი პოლიტიკური და ჩვენი ეკონომიკური მოსაზრებებიდან გამომდინარე ვართ შეერთებული, ან არ ვართ შეერთებული. ეს არის ის ნაწილი, რაზეც ჩვენ შეერთებული ვიყავით პირველივე დღიდან", - განაცხადა დავით ბაქრაძემ.
