სასჯელაღსრულებისა და პრობაციის მინისტრის გიორგი მღებრიშვილის განცხადებით, ირაკლი ფირცხალავას ე.წ. მატროსოვის ციხეში დღეს დააბრუნებენ. ამის შესახებ, მღებრიშვილმა მთავრობის სხდომის შემდეგ განაცხადა და განმარტა, რომ აღნიშნული გადაწყვეტილება ყოფილი მაღალჩინოსანის უსაფრთხოებიდან გამომდინარე განხორციელდა.
თუმცა, მინისტრი არ აკონკრეტებს რა საფრთხე ემუქრებოდა ე.წ. მატროსოვის ციხეში ფირცხალავას.
შეგახსენებთ, რომ ფირცხალავამ მე-8 სასჯელაღსრულების დაწესებულებაში გადაყვანა დღევანდელ პროცესზე გააპროტესტა და სასამართლოს სთხოვა, უშუამდგომლოს სასჯელაღსრულების სამინისტროსთან, რათა ის კვლავ ე.წ. მატროსოვის ციხეში დააბრუნონ, რადგან გლდანის მე-8 დაწესებულებაში პატიმრები სიტყვიერ შეურაცხყოფას აყენებენ.
