სოციალურად დაუცველმა მოსახლეობამ ტარიფების მატება არანაირი სახით არ უნდა იგრძნოს, - ამის შესახებ შრომის, ჯანმრთელობისა და სოციალური დაცვის მინისტრმა დავით სერგეენკომ დღეს ჟურნალისტებთან განაცხადა.
მისივე თქმით, სოციალურად მიმართული სუბსიდირება ძალიან მიღებული მეთოდი არის არა მარტო პოლიტიკაში, არამედ ეკონომიკაშიც.
,,ვფიქრობ, რომ უახლოეს საათებში დასრულდება საბოლოო შეჯამება. ჩვენ გუშინაც გვქონდა კონსულაციები იმისთვის, რომ სოციალურად დაუცველმა მოსახლეობამ ეს ცვლილებები, ეს კორექტირებები არანაირი სახით არ იგრძნოს და მათ ეს მძიმე ტვირთად არ დააწვეთ", - განაცხადა სერგეენკომ.
გუშინ სემეკმა "ენერგო პრო ჯორჯიას" მიმართვის საფუძველზე, მომხმარებლებს ელექტროენერგიის საფასური 3,95 (დღგ-ის ჩათვლით) თეთრით გაუძვირა, რის შემდეგაც სემეკს იგივე თხოვნით ,,თელასმაც” მიმართა.
