გუნდზე, რომელმაც მოიყვანა, ჩასაფრებულია, როგორმე კვანტი დაუდოს, - ამის შესახებ ყოფილმა პრემიერ-მინისტრმა ბიძინა ივანიშვილმა „გურია ნიუსთან“ ინტერვიუში საქართველოს პრეზიდენტზე საუბრისას განაცხადა. მისი თქმით,
დაპირისპირების ერთ-ერთი მიზეზი გახდა ის, რომ მარგველაშვილი ექსპრეზიდენტ მიხეილ სააკაშვილს იცავდა, კერძოდ კი მარგველაშვილი სააკაშვილის ხარჯებთან დაკავშირებულ კანონპროექტზე უკანონოდ დადებულ გრიფს არ ხსნიდა.
„გუნდზე, რომელმაც მოიყვანა, ჩასაფრებულია, როგორმე კვანტი დაუდოს. ეს პოზიცია აქვს დღესაც - როგორმე დააზიანოს გუნდი და მათი საწინააღმედო რამ გააკეთოს. წაკითხულიც არ აქვს კანონი, ისე ადებს ვეტოს. ეს კაცი პრინციპულად შეიცვალა არჩევნების შემდეგ. გუნდმა მოიყვანა და პირველსავე დღეს იგნორი გაუკეთა. ასეთი რამ მსოფლიო პოლიტიკაში არ მომხდარა, უპრეცედენტოა“, - განაცხადა ექსპრემიერმა და დასძინა, რომ ოქტომბერ-ნოემბერში, ერთ-ერთ გადაცემაში, მარგველაშვილთან საუბრის ნაწილს გაასაჯაროვებს.
