ფინანსთა მინისტრის ნოდარ ხადაურის განცხადებით, მუშაობა უკვე დაწყებულია, თუ როგორ მოხდება მთავრობის მხრიდან გაზრდილი ელექტროენერგიის სუფსიდირება. ამის შესახებ, ხადურმა მთავრობის სხდომის შემდეგ განაცხადა.
,,აქედან ფინანსთა სამინისტროში უკვე დავავალე ჩემს მოადგილეს, მუშაობენ, ენერგეტიკის სამინისტროსთან, ქალაქის მერიასთან, ჯანდაცვისა და სოციალური უზრუნველყოფის სამინისტროსთან ერთად იმაზე, რომ პრემიერს საღამოს წარმოუდგინოთ სუფსიდირების მექანიზმები”, _განაცხადა ხადურმა ჟურნალისტებთან.
მისივე თქმით, სუფსიდირების გეგმას საზოგადოებას, სავარაუდოდ, ხვალ გააცნობენ.
,,ენერგო-პრო ჯორჯიას" მომხმარებლისთვის ელექტროენერგიის სამომხმარებლო ტარიფი დღგ-ს გარეშე, 3,348 თეთრით გაიზარდა. შესაბამისი გადაწყვეტილება საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ დღევანდელ სხდომაზე მიიღო. კომპანია ტარიფის ზრდას 4,8 თეთრით ითხოვდა, თუმცა კომისიამ ეს მოთხოვნა არ გაითვალისწინა. ახალი ტარიფი მიმდინარე წლის 1 აგვისტოდან 31 დეკემბრამდე ჩათვლით იმოქმედებს.
მთავრობის სხდომაზე პრემიერმა აღინიშნა, რომ ტარიფების გაზრდის შემთხვევაში, მხოლოდ სოციალურად დაუცველი მოსახლეობის სუბსიდირება მოხდება.
