ზურაბ ჟვანიას საქმეზე სასამართლო პროცესი დღეს მოწმეთა დაკითხვით გაგრძელდება. ბოლო მოწმე გუშინ საღამოს დაიკითხა. ზვიად ბიძინაშვილმა განაცხადა, რომ იმ საღამოს, როცა ჟვანია გარდაცვლილი იპოვეს, მისი დაცვის წევრები რესტორანში იმყოფებოდნენ. ჟვანიას საქმეს ნაფიცი მსაჯულები განიხილავენ. ვერდიქტი მათ თვის ბოლოს უნდა გამოიტანონ. ექსპრემიერის დაცვის ყოფილ უფროსს, კობა ხარშილაძესა და დაცვის ყოფილ წევრს, მიხეილ ძაძამიას ბრალი სამსახურეობრივი გულგრილობისთვის აქვთ წაყენებული.
