ნარკოპოლიტიკის სიმკაცრეს საკუთარ შეცდომად აფასებს ,,ნაციონალური მოძრაობის” ყოფილი წევრი პავლე კუბლაშვილი და აცხადებს, რომ ამჯერად მხარს უჭერს მარიხუანას დეკრიმინალიზაციის შესახებ საკანონმდებლო ცვლილებებს.
,,იყო თუ არა შეცდომა, რომ ჩვენს დროს იყო მკაცრი პოლიტიკა ამ მიმართულებით? დიახ, მე შემიძლია ვთქვა, როგორც იურიდიული კომიტეტის ყოფილმა თავმჯდომარემ, რომ ეს ჩემი შეცდომაცაა და ჩვენ ეს ნაბიჯი უნდა გადაგვედგა გაცილებით ადრე, სწორედ ამიტომ, დღესაც და პლენარულ სხდომაზეც საჯაროდ დავუჭერ მხარს იმას, რომ ამისთვის ადამიანს ციხეში არ სვამდნენ. და ამით შევეცდები, რომ რაღაც ჩემი მხრიდან ერთი ნაბიჯი გადავდგა”, - განაცხადა კუბლაშვილმა ჯანდაცვის კომიტეტის დღევანდელ სხდომაზე, მარიხუანის დეკრიმინალიზაციასთან დაკავშირებით მომზადებული ცვლილებებს განხილვისას.
